أحلى نكت لعيون المنتدى

واحد بيقول لخطيبته لما ازمرلك انزلي قالتله هو أنت اشتريت عربية قاللها لا اشتريت زمارة.

بدوي تزوج بدوية كتب الخيمة بإسمها

فرخة اتجوزت فيل.. جابوا تـشكـِن فيليه.

صاحب شركة كادليز دخل في قضيه خرجوه بكافولة.

واحد صعيدى راح لواحد بياع تليفزيونات بيسأله عندك تليفزيونات ملونة البياع قال له أيوه راح الصعيدى قايله أدينى واحد أحمر مشجر

ندل يبكي في جنازة سألوه تعرفه ؟ قال: لا بس سمعت ان البكاء يعذب الميت

مرة ضابط مصري وضابط إسرائيلي دار بينهم هذا الحوار. الإسرائيلي: الا قوللي انتم بتاكلوا أيه ع الفطار؟ المصري: فول بالزيت. الإسرائيلي: طب بتاكلوا ايه ع الغداء؟ المصري: فول بالطماطم. الإسرائيلي: أمال بتاكلوا أيه بقى ع العشاء؟ المصري: فول بالبيض. الإسرائيلي (بتريقة): أمال أيه الفرق بينكم وبين والبهايم؟ المصري: لا بيفصلنا عنهم سيناء.

تلاتة ركبوا طيارة.. واحد صعيدي وواحد فرنساوي وواحد امريكاني. جت المضيفة: "تشرب ايه يا فندم" رد الامريكاني قالها اشرب مانجة يا مانجا. و رد الفرنساوي اشرب فراولة يا فراولة. ورد الصعيدي اشرب لبن يا داموسة !

مرة مذيعة عملت عملية في ظهرها.. شالولها فقرة.. وحطوا برنامج

¯ ما الفرق بين التليفزيون والغسالة ؟ مفيش فرق الاثنين بيستعملوا أريال.

¯ ما الفرق بين الزواج والكولونيا؟ الزواج: قسمة ونصيب. والكولونيا: قسمة والشبراويشي.

¯ ما الفرق بين المرسيدس والتعويرة؟ المرسيدس: ألماني ، والتعويرة : ألماني جداً.

واحد حانوتي ربنا فتحها عليه وفتح محل فكهاني. كل يوم في المحل يقعد ينادي: الموووز علينا حق!

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم.

مره اثنين بلدياتنا راحوا أمريكا فلقوا أتوبيس بدورين فقال الأول للثاني: نركب فوق يا ولد فقال له الثاني يا غبي فوق ما فيش سواق

مرة واحدة حامل ابنها بيقول لها: أيه اللي في بطنك ده يا ماما؟ قالتله: ده ابني وبحبه قوي، قالها: لما هو أبنك وبتحبيه أكلتيه ليه ؟

أتنين بيدوروا على زوجاتهم في السوق، فاتفقوا كل واحد يدور على مرات التاني، فاللبناني بيوصف زوجته للصعيدي وقاله: شعرها أصفر وعيونها زرق وقوامها سمبتيك ، ها وشو أوصاف زوجتك؟ رد الصعيدي وقاله: سيبك من مراتي ويلا بينا ندور على مراتك.

أيه أسرع ثلاث وسائل للاتصالات؟ Telephone – Television - Tell a Woman.

مرة واحد بلديتنا خرج من محطة مصر لقا بتاع الأنابيب بيخبط قلوه افتحلي وحدة بس تكون سقعة.

قام حب يستخف دمه وقالة طيب معاك الفاارغ قالة لاء دا انا هشربها هنا وانا واقف

واحد هو وابنة مش عارفين ايه هو الاسنسير، كل شوية يشوفوا الحيطة بتفتح وبتقفل، المهم شافوا ست عجوزرة دخلت جواه وداست على الزر وطلعت بعد شوية ونزل الاسنسير وأتفتح خرجت منه شابة جميلة. فقال لابنه: روح هات أمك تدخل هنا شوية

ومرة مدرس بيسأل تلميذ، المدرس: الثعلب يا حبيبى بيبض ولا بيولد، التلميذ: أصل التعلب ده يا أستاذ مكار وممكن يعمل أي حاجة.

واحد بيسأل خطيبته: حد قبلي لمسك؟ سكتت. فسألها: بتفكري في أيه. قالته: لا أنا بعدهم كام.

واحد صعيدى قال لابوه أنا عاوز موبايل. أبوه قاله: موافق بس بشرط تركب أخواتك معاك

مسطول راح المحكمة، القاضي بيسأله: أنت متجوز مين؟
قاله: متجوز واحدة ست.
القاضي قاله: أنت بتهرج! وهو في حد بيتجوز راجل؟
قاله: أه أختي.

غبي حب واحدة أتجوز أختها علشان يضمن يشوفها كل يوم

مدرس يقول لتلميذ: هات كلمة طفل في جملة مفيدة. التلميذ: أختي تزوجت أمس. المدرس: وأين الطفل. التلميذ: سيأتي بعد تسعة أشهر

مساطيل واقفين قدام مراية. الأول قال للثاني: تصدق أنك تشبه الحمار. قاله الثاني: يا أخي بطل حسد و قول ما شاء الله.

واحد ركب اتوبيس شاف واحدة قاعده راح بصلها فبصتله, ضحكلها ضحكتلو غمزلها غمزتلو راح شاورلها على المحطة, فنزلت.. راح قعد مكانها

مرة واحدة ست لاقت حرامي في البيت فبعتت لجوزها يجي من القهوة فتح الباب لقى الحرامي صغير سأله اسمك أيه قاله تامر قعد الراجل يضرب فيه. تاني يوم الست لقيت حرامي في الشقة بعتت لجوزها يجي من على القهوة ولما جه لقى الحرامي كبير وضخم بص لمراته وقالها امال فين تامر

مرة واحد واثق في مراته جداً دخل البيت هو وواحد صاحبه. مراته حضرتلهم العشاء سمع صوت في البلكونه فتح لقى واحد غريب مستخبي في البلكونه. قالو أيه ده أنت مين؟ قالو بصراحه بقى أنا طيار وكنت راكب الطيارة في مهمة حربية والطيارة ولعت ونطيت وقعت عندك هنا في البلكونه. الزوج قاله: طيب يا كابتن حمد الله على السلامة ربنا معاكم. وسابه يمشي. قام صديق الراجل قال أيه ده أنت صدقته كده بسرعة. الزوج قاله أيوه ياعم مأنا لسه ماسك اتنين ضفادع بشرية في البانيو أمبارح شكلها عملية حربية جامدة قوي.

مرة واحده بتخون جوزها ولما وصل خبت عشيقها فى البلكونه وهو قاعد كدا قام عشيقها زهق راح فاتح البلكونه وداخل علية قاله ايه دا انت مين واية الى جابك هنا قاله بص ياعم الحاج بصراحه كدا انا كنت جاى اقابل عشيقتى فى الشقة الى فوقكم دى ولما جوزها طب علينا نزلت من البلكونه بتاعتهم على عندكم هنا قاله يابنى حرام عليك كدا استغفر ربك ومعنتش تعملها تانى وعمل معاه الواجب وبعدين سابه يمشى شوية كدا وراح قايل لمراته .. شوف الراجل ابن الدزمه الى بيقولى نايم مع واحدة ساكنه فوقكم واحنا اساسا قاعدين فى السطوح

مرة واحد أبنه رغاي أوي وأبنه أتاخر عن المدرسة قام أبوه موقفله تاكسي وأدي لصاحبه فلوس وقالو ماتكلمش معاه خالص. وسط الطريق الراجل زهق ام قال للواد أنت يا حبيبي عايز لما تكبر تبقي أيه؟ ام الواد قالو لو بابا دكتور وماما دكتورة هطلع دكتور ولو بابا مهندس وماما مهندسة هطلع مهندس ولو بابا محامي وماما محامية هطلع محامي. ام الراجل اتخنق قام قاله طب لو بابا طبال وماما رقاصه تطلع أيه قالوه هطلع سواق تاكسى

واحد قاعد مع مراته، فقال لها: أنا بحب فيتراك. قالت له: وأنا بحب رامي. قال لها: فيتراك دي مربى. فقالت له: ورامي ده عسل

صرصار بيجري وراء عربية صرف صحي سألوه ليه؟
قال : المغفل أصله شفط المدام

مرة واحد جزار راح يخطب، فأبو العروسة بيقوله المهر خمسين ألف جنيه.. قاله الجزار: ليه هو الكيلو بكام؟

مرة واحد رخم اوى دخل السينما ملقاش فيها إلا واحد بس، قعد وراه وقاله ونبي اتاخر شويه علشان أشوف.

مرة واحد غبي راح السينما هو ومراته أو ما النور أنطفا قالها قومي يا ولية شكلهم هيناموا

واحدة بتقول لجوزها: تعالي وديني المستشفى. ماما هناك وعندها حالة تسمم. راح جوزها رد عليها وقلها: لازم عضت لسانها بالغلط

مرة واحد بخيل حط فلوسه في البنك وكل ما يجي الليل يعدي من عند البنك ويضرب كلاكس ليه؟ علشان يصحي حارس البنك

واحد مسطول راكب طيارة خبط على كتف المضيفة وسألها الحمام فين؟ قالتله الناحية التانية راح عالكتف التاني وسألها الحمام فين؟

واحد فافي وهو نازل من البيت أمه سألته رايح فين؟ فقال لها مش هقولك أنا حر، نزل ووقف تاكسي فالسواق سأله على فين يا باشا؟ قاله يعني أنا مقولتش لأمي هقولك أنت

واحد ندل فتح مصنع بيبسي وكتب على كل زجاجة الرجاء رج الزجاجة جيداً قبل فتحها

مرة واحد راح يخطب واحده، باباها قال له بس البنت لسة بتدرس، قال له خلاص اجيلها في الفسحه

مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت

واحد اشترى موبايل فحب يعملها لمرآته مفاجأة راح داخل
البيت في السر واستخبى في الحمام واتصل بيها من الموبايل
ولما ردت عليه قال لها ازيك يا حياتي أنا جاي في السكة
قالت له :لأ اوعى تيجي دلوقت أحسن أبو سيد مستخبي في الحمام

مره واحد مسطول قاعد بيحشش مع مراته لغايه ما نسيوا نفسهم
وفجأه حد خبط عليهم فقامت الزوجه وقالت يالهوى جوزى.؟!.. فقام جوزها ونط من الشباك؟؟؟

مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

حشاش بيقول لصاحبه:
أنا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك

مره أبو العربى ماشى فى الشارع قابل أبو محمد بيقول له هوا أبوك
بيتآلط علينا ليه قال له ليه ياعم... قال له من ساعة مامات محدش عاد
بيشوفه

» حديقة المنتدى الاسلامي
» جروب المنتدى على الفيس بوك (العالمية للمحمول )