زهقان طهقان مضايق

[center]السلام عليكم و رحمة الله و بركاته

يا جماعة أنا حاسس انى مش فى المود بتاعى

رغم انى عملت كل الى بعمله كل يوم

أول ما صحيت غلست على كل الى فى البيت كالعادة

و فطرت و شربت الشاى بمنتهى البرود كالعادة

و حرقت دم المدير بتاعى كالعادة

و نرفزت زمايلى فى الشغل كالعادة برضه

و خفت أروح الشغل بدرى روحت قاعد ع القهوة عشان أتأخر

و المدام اتصلت بيا روحت منفضلها

و بعت رسالة لواحد صاحبى دمها تقيل

و ركبت المينى باص و طلعت الأجرة كلها برايز و شلنات للكمسرى عشان اجيبله شلل

و كل الحاجات دى بعملها كل يوم أمال ايه بس الى مزهقنى و مخلينى مضايق ؟؟ يا ريت يا جماعة بما اننا صحاب و اخوات تقولوا لى اعمل ايه عشان اخرج من حالة الملل دى و ربنا ما يحرمكم منى[/center]